Caribbean Business Hub a eligi dos miembro nobo na Hulanda

ORANJESTAD (AAN): Recientemente a tuma nota na Hulanda cu Roy Hart, kende ta hefe di departamento di Adquisicion Economico na Cas di Aruba, a keda nombra como miembro nobo pa Caribbean Business Hub.

   Caribbean Business Hub ta e businessclub na Hulanda cu ta organiza High Level Business Events, e eventonan ta tuma lugar na Den Haag.

   Segun Roy tin hopi progreso economico den e sector di turismo, turismo cruzero tambe ta sigui florece pa Aruba, inovacion ta e yabi pa desaroyo di nos pais.

   Segun Caribbean Business Hub: ta algun proyecto inovativo grandi nos mester pa boost e economia. Idea di Caribbean Business Hub ta pa haya mas inversionista pero tambe pone enfasis riba un rueda di negoshi entre empresarionan di Aruba, Curacao, Bonaire, Sint Maarten y Hulanda.

   P'esey nos mester di cooperacion di camara di comercio na Aruba, Curacao y otro pais mas. Nos ta inspira pa yuda nos negociante nan bay dilanti. Pero Roy Hart y Caribbean Business Hub ta entusiasma.

   Esey ta motiva nan tur pa bay pa e reto nobo aki. E otro miembro di e directiva ta Henk Oedairam, un ex-politico, un gran comerciante y director di B&O Invest na Hulanda.

   Henk a pone como meta tambe pa stimula e economia di Surnam, Curacao, Aruba etcetera..E fundadornan di Caribbean Business Hub, Corinne y Germaine Hernandez-Croes, Nico de Visser, Lionel Martijn y Marvin Sutherland, tin nan propio vision cu e lema We make Caribbean Great again.