ORANJESTAD (AAN): Departamento di Salud y Crisis Team a indica cu segun resumen di diadomingo 56 persona a recupera y un total di 28 caso nobo di COVID-19 a keda registra cual 1 ta no-residente y 27 ta residente.
E cifranan aki ta representa un 'Positivity rate' bou di residentenan di 27%. E cantidad di casonan activo di COVID-19 ta 499 y cantidad di fayecidonan relaciona cu COVID-19 ta 150. Diasabra a raporta cu un persona a fayece (residente) relata na Covid-19
Datonan ta ilustra casonan nobo di COVID cu un average semanal di 52 caso pa dia y un averahe di 'positivity rate' semanal di 23% pa dia.
Actualmente na Aruba tin 38 persona interna debi na COVID di cual 15 ta den ICU y 23 riba piso general y na Colombia tin actualmente 20 persona den Cuido Intensivo.
