Bunita celebracion na Aruba Marriott Complex cu Competencia di Gaita

ORANJESTAD (AAN) - Den e lujoso Aruba Marriott Ballroom, a celebra recientemente un competencia di Gaita cu a atrae atencion di asociadonan y participantenan den un ambiente festivo.

            Ruthline Theysen, kende ta e Directora di Recursonan Humano di Aruba Marriott Complex, a resalta cu e evento aki tabata di caracter especial pa tur asociado. Durante e ocasion, nan a disfruta di un lunch den e ballroom, mientras nan a competi den un vibrante concurso di Gaita entre tur e diferente departamento di e compleho.

            Pa completa e experiencia musical, e banda local Katatumbo a ofrece nan talento musical durante e competencia. Tur asociado a wordo obsekia cu un 'Superfood Card' di 250 florin, brindando nan acceso na un programa di descuento especial den diferente comercio cu ta colabora cu Marriott pa brinda beneficionan exclusivo na nan personal.

            Ruthline a destaca cu durante e evento, nan a organisa un rifa emocionante cu premionan atractivo, sumando mas o menos 30 mil florin y repartiendo mas of menos 170 premio entre e asociadonan. Como gesto adicional di aprecio, nan a entrega e 'Christmas Bonus' consistiendo di 4 siman di salario na tur asociado, marcando asina un ciere di aña positivo pa nan team.

            Pa conclui, Ruthline a extende un invitacion cordial na comunidad en general pa participa den futuro eventonan special pa Pasco y aña nobo, incluyendo un brunch den e popular restaurant mediterraneo, Mercat, y e celebracion di 'New Year's Eve' cu ta priminti ta un experiencia inolvidabel pa tur.