Boolchand Group celebrando nan aniversario di oro na Aruba

Cu 50 aña di inovacion y excelencia

ORANJESTAD (AAN): Boolchand Group, cu ta un piedra angular di e comunidad empresarial y di benta na Aruba, ta orguyoso di anuncia e celerbacion di nan di 50 aniversario riba e isla.  Funda na 1974 cu nan tienda den Nassaustraat e tempo aya, den curazon di Playa, e compania a crece for di su comiensonan humilde te converti nan mes den un parti vibrante di e panorama economico di Aruba.

   E storia di Grupo Boolchand na Aruba a cuminza cu e apertura di tienda St. Michael’s, cu ta un tienda special di paña di marca y estilo di bida licensia door di Marks & Spencer di Reino Uni, cu ta suminstra productonan na mercado di localnan y bishitantenan.  Atravez di añanan or cu trendnan a cambia, e compania a adapta nan mes door di expande den productonan electronico door di crea un tienda Boolchand’s cu varios marca, y a introduci e tienda D’Orlahn cu prenda fini, y awendia ta opera sucursalnan di Pandora, y tambe tiendanan Crocs.

   Boolchand Group a sigui evoluciona continuamente pa cumpli cu necesidad di clientenan.  Su trayectoria a wordo marca pa cambionan strategico, navegando den e creciente industria di benta y cambia patronchinan di trafico, adaptando nan mes na e tendencianan di marcanan y e demandanan di clientenan cu ta cambia, y bin cu producto- y categorianan nobo na nan base diverso di clientenan.  E forma dinamico den cual e compania a opera a garantiza su longetividad y relevancia, añadiendo continuamente balor na mercadonan den cual e ta opera, y e clientenan cu nan ta sirbi.

   Bao e liderato visionario di su fundador Doulatram Boolchand y via e dedicacion di numeroso miembro di ekipo atravez di añanan, Boolchand Group a bira sinonimo cu calidad, inovacion, y servicio na comunidad.  E compromiso di e compania cu Aruba tabata uno cu no por ser kibra, for di e apoyo na empleo local, te na participacion den proyectonan comunitario.

   Awor cu Boolchand Group ta celebra e etapa aki, nan ta refleha riba e caminda cu a trece nan te aki, y ta duna danki na e empleadonan dedica cu a haci esaki posibel.  Nan ta spera tambe un futuro largo y sostenibel yena cu crecimento continuo y servicio na comunidad Arubano.  Nan ta agradecido na nan cliente- y partnernan cu tabata un parti rico di nan storia, y ta invita comunidad pa uni cu nan pa celebra e aniversario aki.

   “Mirando atras 50 aña, nos ta orguyoso di loke nos a logra y ta entusiasma pa futuro.  Nos a pasa door di un caminda di adaptacion, resistencia, y compromiso cu excelencia.  Danki na e fieldad di comunidad Arubiano en general, y principalmente danki na e miembronan di nos ekipo y di nos famia, di cual sin nan, nada di esaki lo por tabata posible,” ta loke Ravee Nandwani a bisa, kende ta director di The Boolchand Group.

   Pa haya mas detaye, por check e website:

www.boolchand.com/aruba-50

   Boolchand Group lo bay ta observando nan aniversario di oro cu un serie di iniciativa atravez di aña, diseña pa honra nan historia, celebra e logro, y duna bek na comunidad Arubano cu ta esun cu nan tabatin privilegio di a sirbi.