Bautismo di e buki 'Bebe Bira Bon' di autora Denise de Jongh-Rekwest

ORANJESTAD (AAN): Recientemente a tuma luga e bautismo di e buki 'Bebe Bira Bon' di autora Denise de Jongh-Rekwest.

            Madrina di e buki tabata juffr Olinda Rasmijn di Stimaruba y mr Randolph Fingal di docente di Cuido di Mata di SPO Santa Cruz. E buki e ricibi bendicion di Pastoor Jairo Maduro.

            E buki aki ta trata e uso di yerba medicinal den forma di te. E ta un buki pa mucha y hoben. Divi Impact a yuda patrocina e buki aki.  Un buki cultural masha interesante. SPO Santa Cruz su hobennan tabata presente na e ocacion aki.

            Na final di e presentacion cada hoben a ricibi un buki, a disfruta di un cupcake y por a purba te di Toronjil of di Rabo di Cabai. Esun di Toronjil a resulta di a bira un di e favoritonan.

            Na scol e hobennan a cuminsa planta stek di e 5 yerbanan medicinal menciona den e buki y sigur lo uza e buki aki como material educativo ya cu e tin e storia, informacion educativo, etiquette, bon plachi y receta den dj’e.