PHILIPSBURG: E proyecto lo tin un costo di riba 250 miyon Dollar.
E compania Indigo Shores Development lo tin ponemento di prome piedra e luna aki mes, pa un resort di 5 strea di 250 camber, cu lo ta parti di un condominio tambe. Porfin e parti hulandes di St. Maarten ta haya un resort di clase mundial.
E Boutique Hotel luhoso cu lo yama ‘Vie L’Ven’ ta apenas algun paso leu di Indigo Bay Beach. E lo bay ta riba un tereno di 85 mil meter cuadra cu bista pa lama, y ora cu e keda cla lo tin un Luxury Spa y top restaurant. Segun e desaroyadornan, e construccion di e centro di benta lo cuminza e luna aki, y e Hotel mes lo keda full cla na 2027.
Segun nan plan, e Boutique Hotel di 5-strea aki ta busca forma di bira e hotel luhoso preeminente di e region. E desaroyadornan a indica cu nan lo traha cu lo mas hopi contratista local posible riba e proyecto.
Siman pasa, Altree Developments basa na Toronto, y Indigo Shores cu sede na St. Maarten a reuni cu Ministro di Turismo di e isla.
