Barco nobo di Marina Real, “Hydrograaf” ta temporalmente na Curaçao y Aruba

E Hidrografo lo bay bek Hulanda despues di e pruebanan.

ORANJESTAD (AAN):  E adkisicion nobo di Marina Real, “Hydrograaf”  a yega Curaçao pa eherce pruebanan di clima calido y estudionan hidrografico.

                Desde su ingreso na Marina aña pasa, e Hidrografo  a construi rapidamente un reputacion, siendo  lo ultimo como barco cu sistemanan avanza hidrografico, di nabegacion, y di comunicacion.

                Cu esaki e barco ta capas di registra cu precision, awanan, hafnan y canalnan di nabegacion. E capasidat aki ta hunga un rol esencial den nabegacion cu seguridad riba rutanan maritimo y den e mantencion di seguridad di e awanan di Region Caribe.

                Durante e estadia den region di Curaçao y Aruba, e Hidrografo lo realisa pruebanan extenso y recopila datonan hidrografico.  Esaki ta contribui na un mihor comprendemento di e fondo marino y e corientenan di marea den e region aki.

                Comandante di e Hidrografo, Teniente Naval  Segunda klase, categoria mas antiguo, Leon Hartenberg, ta enfatisa: “E Hidrografo pa motibo di su limitacion di profundidad,  ta ideal pa recopila datonan den awanan cu tiki profundidad tambe.

                Ta utilisa e datonan aki pa actualiza mapanan nautico existente y otro publicacion nautico y ta mantene esakinan actualiza. Cu esaki Defensa ta aporta na e nabegacion sigur riba e rutanan di acceso maritimo.

                Un bon conocemento di e entorno maritimo ta esencial pa apoya e diferente tareanan di Reino den Region Caribe Hulandes.’’

                E Hidrografo ta bolbe bek Hulanda despues di e pruebanan.