Atan Lee Sr. den Feliz Memoria

Biografia Atan Lee Sr. - 12 juni 2021 - 6 di januari 1947 – 5 di juni 2021 

ORANJESTAD (AAN): Departamento di Cultura Aruba (DCA) y Comision Celebracion Dianan Nacional (CCDN) bou auspicio di Ministerio di Cultura a ricibi e tristo noticia cu Sr. Tai Kim R. Lee, miho conoci como Atan Lee Sr. a bay laga nos. 

Señor Tai Kim Raymundo ‘Atan’ Lee, naci na Aruba riba 6 di januari 1947, biba na Catiri # 5 na Tanki Leendert, Casa cu Sra. Olga Lee-Hernandez, su yiunan Gershwin Lee, Tai Foo, Atan Jr y Marushka, Emi y Elva. 

Estudio:

Scol Secundario Sint Antonius College, Cursonan Periodistico, Curso Protocolar y Etiketa na Venezuela y Hulanda.

Ocupacion:

Funcion: Hefe di Protocol, Presentado di programa na Television, na varios ocasion a fungi como maestro di ceremonia na actividadnan gubernamental y ceremonianan di Estado.

El a representa e partido M.E.P. y e gobierno di Aruba na e toma di posicion di e presidente nobo di Peru dr. Alan Garcia-Perez. E tabata presidente permanente di Comision Himno y Bandera. Como Hefe di Protocol e tabata encarga cu bishita di Su Alteza Real, Prinses Margriet di Hulanda; Bishita oficial di e comision di Senado Hulandes; Bishita di e delegacion gubernamental Venezolano presidi pa dr. Celestino Armas; Bishita di e comitiva di ‘Instituto de Altos Estudios’ di e defensa Nacional Venezolano bou comando di vice-almirante y director Sr. Julio Cesar Lanz Castellano. Ademas a atende dos biaha e bishita di Ministro di Relaciones Exteriores di Venezuela, ‘Canciller’ dr. Simon Alberti Consalvi y comitiva. E tabata presidente di e comision organisado actividadan di celebracion di e Status Aparte di Aruba d.d. 1 januari 1986. E tabata encarga cu preparacion di bishita di Presidente di Rep. di Venezuela, dr. Jaime Lusinchi na 1987 y tambe pa bishita di Famia Real na 1991. 

Actividad Social/Deportivo:

Cu edad di 15 aña el a funda un club social Hubenil, cual ta hiba e nomber di e Famoso cantante Americano di e decada di 60, ‘Connie Francis’. E organisacion a construi cu nan mes un medio e edificio, cancha Deportivo y recreativo. E tabata fundado di certamen ‘Teen Princess Aruba’ y Antiyas, tambe ‘Teen Princess Internacional’ cu participacion di mas cu 50 pais rond mundo. E certamen Internacional a ser transmit 3 biaha pa Venevision. Esaki tabata e prome intercambio cultural y Deportivo entre Venezuela y Aruba. E tabata fundado di e revista ‘Amistad’, co-fundado di e Comision Hubentud Pro-MEP. El a presidi e prome intercambio vacacional Aruba-Venezuela den nomber di Gobierno di Aruba. El a inicia e popular grupo di ‘Carnaval Lee_Tai’. El tabata instructor di cursonan protocolar y etiketa,orado principal riba temanan protocolar y a tene charlanan pa diferente organisacionnan social, scolnan, instancianan den sector hotelero y fundacionnan tanto local como internacional. Atan tabata fundado Miss Aruba Foundation 2012 – Srta. Aruba.

Sres. Atan Lee y Romeo Thijsen Co-Fundado di Star Ptomotions

Fundado di Poeta di Patria. Na e ultimo Poeta di Patria di 2021 el a expresa: “Mi Alma ta sclama, Mi Alma kier Papia, Mi Alma kier expresa, Scucha y no Lubida…!”.

Reconocimento:

Na 1989 el a ser condecora door di Gobierno Venezolando den e Orden di ‘Francisco de Miranda Segunda Clase’. El a ser premia como ‘The Most Outstanding Youngman’ di Aruba Jaycees, un distinction di mas halto di dicho organisacion. E ta condecora tambe den Ridder in de Orde van Oranje-Nassau.

E aña aki el a ricibi un renoncimento di Minister di Cultura Sra. mr Xiomara Maduro pa su contribucion y aporte. 

Activo:

Tabata activo te ultimo den organisacion social, educativo y religioso.

Maestro y Padrino di hopi, hopi ta esnan cu Sr. Atan Lee a yuda den nan desaroyo y a sirbi como consehero. Tambe na Gobiernonan. 

Departamento di Cultura Aruba y CCDN bou auspicio di Ministerio di Cultura ta hopi agradecido na Sr. Atan Lee pa tur e cooperacion y colaboracion ricibi di su persona, tanto Comision Celebracion Dianan Nacional, DCA y Poeta di Patria.

Director, staf y personal ta expresa palabra di condolencia na su esposa Olga, su yiunan Gershwin, Tai Foo, Atan Jr. y Marushka, Emi y Elva, su nietanan y nieto, su rumannan, famia Lee, Hernandez y demas famia, amigo y conocinan.

Su trabou no ta bay perdi y ni lubida. 

Danki na BUVO