ATA a estrena un videoclip special pa Fin di Aña

ORANJESTAD (AAN): E siman aki durante programa di navidad di Magia di Pasco cu Ivo Yanez na Telearuba, Oficina di Turismo (A.T.A.) a estrena cancion di fin di aña - Cu Alegria.

   Por mira e videoclip aki na:

www.bit.ly/ATA_pasco

   Cu hopi alegria y amor, ATA a presenta y nan a splica cu a dedica e cancion di fin di aña na e caluroso comunidad di Aruba. Mirando cu e aña aki a keda marca cu momentonan inolvidabel, nos deseo ta pa celebra esaki hunto cu boso.

DIARIO ta comparti e bunita mensahe di  Ronella Croes, kende ta CEO di ATA: “Mientras cu nos ta despedi di un otro aña, laga nos acepta e promesa di un comienso nobo.  Nos compromiso ta cu nos isla, cu nos hendenan bunita.  Cu e aña nobo trece amor, unidad, y bondad den cada hogar, y cu nos tur carga e meta principal pa proteha e piedra precioso cu ta Aruba”.

Y asina nos ta canta hunto! Cu alegria! Disfruta!

Letra:

Cu alegria, cu alegria, Nos a bolbe cu alegria

Cu alegria, cu alegria, A.T.A. atrobe na bo cas

Nos a pasa na bo porta,

cu un saludo di speransa

Nos compromiso y nos aliansa, pa nos Aruba sigui prospera.

Cu alegria, cu alegria, Nos a bolbe cu alegria

Cu alegria, cu alegria, A.T.A. atrobe na bo cas

Nos paranda contagioso, kier gradicibo pe confiansa.

Y deseo bo un dushi Pasco y un Aña nobo yen felicidad.

Cu alegria, cu alegria, Nos a bolbe cu alegria

Cu alegria, cu alegria, A.T.A. atrobe na bo cas

Yen di alegria nos ta bishitabo.

Lanta ricibinos A.T.A. ta canta bo

Le lo le....

Nos ta na bo porta

ATA ta cantabo

Yen di alegria/positivismo

ATA ta cantabo

Cu hopi optimismo

ATA ta cantabo

Pa Pasco y Aña nobo

ATA ta cantabo

Le lo le....

   ATA ta manda un danki special ta bai na e ekipo completo di A.T.A. cu ta protagonista principal di e cancion di fin di aña.  DIARIO ta felicita nan pa e bon editing y iluminacion durante e grabacion aki.