ORANJESTAD (AAN): Den oranan trempan di mainta, e coordinadora di Festival di Buki pa Mucha a pasa bishita Prinses Amalia Basisschool (PABS) pa haci entrega di e buki di Festival di Buki pa Mucha,
esta “Na cas di Carmen y Carlos”. A haci esey como un muestra di aprecio y gradicimento na e alumnonan di PABS cu bou guia di Marcie de Jongh a balia e cantica di e Festival di Buki pa Mucha 2023 pa e videoclip y apertura.
Biblioteca ta regala cada mucha cu bira miembro nobo e buki nobo. Un buki nobo titula ‘Na cas di Carmen y Carlos’. Un buki cu biblioteca a publica pa tur mucha na Aruba. Miembrecia ta gratis.
Pa registra como miembro, mayor ta hiba nan yiu biblioteca (sea Playa of San Nicolas) y ta hiba un identificacion valido y e zorgpas AZV di nan yiu. Biblioteca ta warda tur mucha cu un coleccion grandi di buki masha bunita mes, hopi storia y hopi informacion pa scol.
