Asina GLW Foundation a honra 3 reina cu a sobresali den un solo weekend

ORANJESTAD (AAN): Den oranan di anochi, GLW Foundation a tene un anochi special pa honra tres beyeza local cu nan recien logro den exterior.

   Cada uno a ricibi un regalo bunita for di man di Nurianne Arias-Helder na nomber di e miembronan di e Fundacion.

   Asina a honra Elizabeth Johnson, kende ta Miss Teen Aruba International 2021, y cu a keda corona como Vi Reina na Miss Teen Grand na Guatemala.

   Tambe a honra Noëlia Khalil kende ta Miss Teen Aruba International 2011 y tambe Miss Teen Americas 2011, y cu a caba di sali Miss Belleza Mundial 2021 recien.

   Otro grandi cu a wordo honra ta Thessaly Zimmerman, kende den pasado a yega di sali Miss Teen Aruba International 2012, y tambe Vi Reina Teen Americas 2013, y a bira Miss Universe Aruba 2021, y siman pasa a sali den Top 10 Muhernan mas bunita di Miss Universe 2021 na Eilat, Israel.

  Tur tres den un solo fin di siman a trece hopi orguyo pa e organizacion local, cu a dicidi na organiza un brindis chikito pa nan tres.

   E anochi aki tambe a presenta show di Mini Kids in Action, como tambe Youth Kids in Action, cu presentacion bunita cu coreografia di Debra Boekhoudt y Raiza Montilla.