Asina a honra un hubilaria special na CMB Bank

ORANJESTAD (AAN):  Un celebracion tabatin recien pa conmemora e hecho,

cu 30 aña pasa e dama Eydie a drenta den servicio cu Caribbean Mercantile Bank NV.  Di e forma ey nan kier a duna hopi pabien na señora Eydie cu su 30 aña aniversario.

   Ta asina cu dia 16 di augustus 2025, Eydie Malmberg a celebra su di 30 aniversario trahando na Caribbean Mercantile Bank. Señora Eydie ta worde describi manera un persona confiabel, un persona sigur y cooperativo. Un persona cu un gran curason, cu un sonrisa contagioso y semper cla pa yuda su colega nan y tambe cliente.

   Gerencia y demas personal ta agradecido di tin Eydie den e team di Caribbean Mercantile Bank. Y nan ta spera di por comparti hopi aña mas cu señora Eydie.

   El a haya un bunita areglo di blaas den su oficina, y for di man di gerencia a ricibi e acostumbrado envelop.