Aruba ta fortalece conexion aereo na Routes Americas 2026 na Rio de Janeiro

ORANJESTAD (AAN):  E team di Aviation Business Development di Aruba Airport Authority N.V. (AAA) conhuntamente cu Aruba Tourism Authority (A.T.A.),

ta representando Aruba e siman aki na Routes Americas 2026 na Rio de Janeiro, e evento lider den desaroyo di servicio aereo di e region.

Cu mas di 20 reunion programa cu e aerolineanan y partnernan clave den e industria, e delegacion ta enfoca riba desaroyo di red y identifica oportunidadnan strategico di crecemento pa sigui fortalece e conectividad global di Aruba. Entre e aerolineanan nobo confirma pa reunion, cu actualmente no ta opera pa Aruba tin; Air France–KLM, Breeze Airways, Alaska Airlines, JetSMART y Condor, ademas di otro partnernan existente cu ta di gran balor pa Aruba.

Den un logro significativo, Aruba Airport Authority un bes mas ta nomina pa e Routes Americas Awards den e categoria “Airport Under 5 Million Passengers”. Lo anuncia e ganado diaranson anochi durante un evento oficial na Copacabana Palace.

Bou di e categoria “Airport Under 5 Million Passengers”, a reconoce Aeropuerto Internacional Reina Beatrix (AUA) pa a yega na un record di 28 partner di aerolinea durante e ultimo aña, sosteni pa factornan di car averahe fuerte di 90 porciento. AUA Airport a introduci un programa di sosten incentivo y mercadeo nobo desaroya y a fortalece conectividad regional pa medio di campañanan dirigi cu e partnernan Latino Americano, incluyendo LATAM Airlines, GOL Linhas Aéreas, Wingo y Aerolíneas Argentinas.

Pa aña 2026, Aruba tin planea pa firma su prome acuerdo di cooperacion cu un compania di aviacion despues di tres aña di desaroyo di plataforma di media dirigi.

Representando Aruba na Routes Americas 2026 ta Jo-Anne Arends, Aviation Business Development Executive; Mary-Joan Wardlaw, Aviation Business Development Manager; Sjeidy Feliciano, Area Director North America y Jordan Schlipken Croes, Area Director Aruba Tourism Authority pa e region di Latino America.

Pa medio di compromiso activo na Routes Americas, Aruba ta sigui posiciona su mes como un partner di aviacion strategico, di rendimento halto y colaborativo den e region.