Aruba One Happy Island Lions Club y Friends of Lions  a organisa otro exitoso proyecto

Tayo riba Mesa pa famianan den necesidad

ORANJESTAD (AAN):  Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad.

            Riba e diasabra di e evento un total di 522 persona procedente di famia di menos recurso a ricibi nan cuminda di merdia te na nan porta di cas. Esaki tabata posibel danki na e cooperacion y contribucion ricibi di amigonan comerciante, boluntarionan di Cruz Cora, boluntarionan di Fundacion Pa Nos Comunidad, amigonan Lions, y Miembronan Aruba One Happy Island Lions Club.

            Pa medio di e comunicado aki kier a gradici tur instancia, compania y persona cu a ofrece nan cooperacion y aporta cu donacion, cu producto y transporte pa asina esaki por a resulta un exito.

            Proximamente lo sigui organisa Tayo Riba Mesa, e siguiente lo tuma luga dia 25 di mei pa asina sigui yuda esnan den necesidad. Un biaha mas masha danki na un y tur!