BOSTON: E turista Todd Norman a fayece inespera na su cas siman pasa cu edad di 61 aña.
El a bay laga su casa Jennifer, un yiu homber y yiu muher, tres nieta, y su ruman homber atras, incluyendo varios primo y prima, y sobrino. E ta biba na Marblehead, Massachusetts.
E ta doño di su propio compania di Landscaping, y ta un fanatico ferviente di e team di Boston Red Sox, y tabatin Season Ticket na stadion den Seccion 10 pa su famia, for di decada di 1990 te cu awor ainda. Durante wega, semper den aire liber e ta canta cu voz halto su estilo unico di e cancion ‘Sweet Caroline’, y bo por a tende su voz resona tur caminda den stadion di Fenway Park. Como cu e ta gusta bishita Aruba, aki tambe el a canta e cancion ey ‘Sweet Caroline’ den aire liber riba e isla.
E tabata coach hobennan tambe pa asina impacta nan positivamente. Awe Dialuna lo tin condolencia na su pueblo natal, y entiero lo bay ta Diamars 16 di April na Marblehead mes.
