Feria di estudio a inicia diabierna
ORANJESTAD (AAN): Diabierna tabata tin e apertura oficial di Aruba College Fair. Presidente di Aruba College Fair Foundation, Muzaninn Wever, a duna di conoce cu despues di 4 aña cu no por a organisa e evento aki pa via di e pandemia di Covid, nan ta bek y contento cu por a toch logra hopi universidad y scol pa bin Aruba pa asina duna informacion na studiantenan over di nan programanan y kico nan por ofrece nan pa sigui un estudio despues cu nan caba scol secundario aki na Aruba.
Wever a agrega cu pesey ta importante pa tur interesa ta presente pasobra e informacion aki ta hopi valioso pa e studiantenan por tuma e decision corecto pa nan futuro y asina evita gastonan di haci un anja sin cu nan ta gusta un programa of cu nan ta pensa cu e carera no ta pa nan.
Riba tur esaki ta bay siña y combersa cu e representantenan di e universidad, hogeschool y colleges como tambe instancianan cu tey pa duna informacion, a bisa.
Tin universidadnan di tur parti. Di Hulanda, Aruba, di Caribe, di Canada, Merca, Costa Rica, Suiza, entre otro
"E oportunidad pa e studiantenan bin y busca un opcion pa nan futuro, esey ta nos meta", Muzaninn Wever a expresa.
Na e evento por acudi tanto studiantenan como mayornan, tambe docentenan.
Aruba College Fair a inicia ayera diabierna y lo continua awe diasabra di 12 pm pa 6 pm na Renaissance Convention Center.
