ORANJESTAD (AAN): E ta un wega simple, y djis escoge bo cuatro numbernan y gana! Esey ta loke Aristides a haci tambe, y a bira contento mirando cu su numbernan a libra.
Pesey mes riba Diaranson siman pasa el a acudi na oficina di Lotto na Playa pa reclama su premio. Aki mesora a revisa si el a pone su firma na e parti patras di e ticket, y despues a scan e barcode. E computer a divulga mesora cu Aristides a gana 10.000 Florin cu e wega di Big 4.
Mesora a cuminza cu e proceso pa transferi su premio electronicamente pa su cuenta di banco. Aristides a indica cu e ticket ganador mes a wordo cumpra na Monserat Lottery.
