ORANJESTAD (AAN): E ta keto bay un di e popular weganan di Lotto na Aruba. Bo ta escoge un number consistiendo di cuatro cifra, y agrega un signo zodiacal y mesora bo ta den wega.
Esey ta loke Angela a haci tambe, y a bira feliz ora el a nota cu su numbernan a sali. Pesey riba Diahuebs el a acudi na oficina di Lotto na Playa pa asina reclama su premio.
Aki mesora a revisa su ticket y a scan e barcode den computer. E contesta cu a drenta mesora ta cu Angela a gana 10.000 Florin cu e wega di Zodiac.
Asina a pasa pa e proceso pa transferi e premio electronicamente pa su cuenta di banco. Angela mes a indica cu e ticket ganador el a cumpra na Candy’s Lottery.
