Ambiente sublime durante cendemento di pagara na Wind Creek Aruba Resort & Casino

ORANJESTAD (AAN) Ambiente tabata sublime na Wind Creek Aruba Resort & Casino, cu cendemento di un pagara enorme, cu a cuminza dilanti Greek Casino.

   Paul Gielen, gerente general a bisa cu nan a pens’e un rato, pasobra leu leu ora 31 di December ta cay riba un Diadomingo, nan tabata tin duda si pon’e riba Diasabra of no. Pero nan a lagu’e riba 31 pasobra esey ta e dia, y enberdad cantidad di hende tabata tey riba pia, pa goza e tradicion.

Gielen a expresa cu esaki tabata un bunita dia atrobe! Den entrevista cu DIARIO, Paul a bisa cu 2023 tabata, en general, un bon aña pa e Wind  Creek, Resort & Casino, ya cu turismo tabata bon. Esey nan ta sinti’e den e hotel y casino, y varios proyecto nan a realiza manera renovacion  di Convention Center paden.

   Tin varios logro cu nan ta orguyoso di dje, y pa 2024 tin proyecto grandi, y varios inversion grandi “in the back of the house”, cu tambe mester su mantenimento. Y pa loke ta servicio ta bay enfoca riba dje, nan empleadonan y comunidad. Paul Gielen a expresa pueblo di Aruba “only the best” durante e aña 2024, y ta spera progreso pa nos tur. El a expresa palabranan di danki pa nan casi mil empleado, hopi trahador cu ta na pia pa sirbi nan clientenan y semper cu un sonrisa na nan cara.

   E atardi aki cu tiramento di e pagara di mas grandi di Aruba, tabatin animacion musical di Robert y su Solo Banda Show, y tambe Dande.