Alumnonan a bay bishita 3 museo na San Nicolas  

ORANJESTAD (AAN): Recientemente e alumnonan di Ciclo Basico 1 di Abraham de Veerschool MAVO tabatin un dia interesante. 

Nan a sali di scol y a bay bishita 3 museo importante cu tin na San Nicolas.

   Bao guia di docentenan, a bay bishita San Nicolas Community Museum, tambe Museum of Industry, y e Museo di Carnaval.

   Tur loke nan a mira, acompaña pa e splicacion tabata algo cu a impacta e hobennan aki, y sigur a encanta e bishita aki pa mira kico nan mesun distrito tin pa ofrece regardando historia di e isla.