Vocero di DIMP cu recordatorio
*Deadline ta 31 di Januari 2023
ORANJESTAD (AAN): Awe ta ultimo dia di November y tin tres fin di luna mas. Fin di November, fin di december y fin di januari pa paga e impuesto di aña 2023 pa loke ta vehiculo di motor.
E 'deadline' pa paga ta 31 di januari 2023. Esey ta nifica cu despues di e fecha ey tur e impuesto di 2023, pa cierto categorianan ta permiti paga mitad aña, mester ta paga, asina Meverly Romano, Vocero di Departamento di Impuesto (DIMP) a duna di conoce.
Aworaki ta ofreciendo caba, for di fin di september, e sistema di pago parcial. Por cuminsa paga delanta, con tal cu ora 31 di januari yega, e impuesto di alomenos mitad aña ta paga completamente, a bisa.
Na e momentonan aki ainda tin chens pa awe, ultimo dia di November, haci pago y cu esaki no ta haya tres oportunidad ainda pa paga e number pida pida, di tal forma cu pa dia 31 di Januari, e persona a paga caba e impuesto completo of mitad.
Por ehempel, e autonan di diesel ta paga 600 florin of 1000 florin pa aña. Por pensa tambe riba e plach'i nomber, cu tambe ta paga 600 florin pa aña. E personanan aki cu tin cu paga 600 florin pa dia 31 di januari, nan por probecha aworaki di paga 200 florin fin di november, 200 fin di december y 200 fin di januari. E ora ey ta bay cay nan menos pisa, Romano a splica.
