ORANJESTAD (AAN) – E prijsnan cu comerciantenan concerni a pone riba e kerstboomnan e aña aki, ta simplemente un abuso di marca mayor. DIARIO a ricibi varios critica al respecto.
Consumidornan ta papia di kerstboom di e grandura mas chikito pa un prijs di 250 florin, y asina prijs ta bay subiendo segun e grandura di e kerstboom, cu hasta a mira di esnan mas halto pa 1000 florin!
Ta parce comosifuera cu na Aruba solamente hende cu hopi placa tin, y kizas ni esnan cu tin e poder di compra suficiente pa paga asina caro pa un kerstboom lo bay acepta esaki, pasobra den tur famia tin prioridadnan y no ta precisamente un kerstboom cu aki algun siman, lo wordo benta afo y kima.
Pa personanan di recursonan abao cu semper a haci esfuerzo pa cumpra un kerstboom, esun di mas chikito cu tin maske sea, a bay busca ofertanan y a keda babuca, pasobra tur caminda cu a habri e porta pa bende kerstboom ta bende nan super caro, manera nunca antes a mira na Aruba.
Un consumidor cu a yama nos redaccion a bisa cu ohala pueblo ta uni den un contesta negativo na e comerciantenan aki y NO cumpra kerstboom e aña aki, wak si nan por cu e perdida di inversion.
E ultimo añanan cu prijs di kerstboom a cuminza subi, pero no asina exagera, hopi comerciante a keda sin por bende nan y algun tabata ofrece nan por nada, pa deshaci di nan un par di dia prome cu Pasco di Nacemento. Corda e aña aki
