ORANJESTAD (AAN): Un di e popular weganan di Lotto keto bay ta Zodiac.
Aki bo ta escoge un number consistiendo di cuatro cifra, y bo ta agrega un signo zodiacal y ya bo ta den wega.
Esey ta loke Fabio a haci, y el a gana tambe! Pesey riba Dialuna el a acudi na Oficina di Lotto na Playa pa reclama su premio.
Aki e funcionarionan di Lotto a revisa su ticket, pa check si el a pone su firma. Ora cu a scan e barcode, e computer inmediatamente a confirma cu el a gana 12.500 Florin cu wega di Zodiac Merdia.
Mesora a sigui cu e proceso pa transferi e premio electronicamente pa su cuenta di banco. Fabio a splica cu e ticket ganador el a cumpra na Citgo Boulevard.
