Abraham de Veerschool MAVO contento cu 88% a gradua

ORANJESTAD (AAN): Recientemente tanto alumnonan di examenklas, mayornan, y docentenan a acudi na e Ballroom di Holiday Inn Aruba pa

asina goza di e anochi di graduacion di studiantenan di Abraham de Veerschool MAVO.

   E anochi aki a bay combina cu discurso, entrega di cuminda, y saboreando un delicioso cuminda.

   Ministro di Enseñanza Gerlien Croes tambe tabata presente pa a celebra hunto cu e graduadonan aki, y el a splica cu e hecho cu 88% di e alumnonan a logra nan diploma, ta algo impresionante.

   El a declara: “Pabien na cada graduado pa boso dedicacion, perseverancia y esfuerso. Esaki ta solamente e prome paso den un futuro yen di posibilidadnan. Sigui studia, sigui crece y sigui soña grandi.”

   Riba combinacion di potretnan pa cortesia di Ministerio di Enseñanza, por mira mas di e alegria di e anochi di graduacion.