Sharine Croes Dubero, di Facilidad di estudio:”
ORANJESTAD (AAN)- Señora Sharine Croes-Dubero, di Departamento di Facilidad di Estudio na Directie Onderwijs, den entrevista cu DIARIO, a indica cu e no ta tende hopi cu nos studiantenan na Hulanda no tin vivienda, pero te na unda e ta na haltura nan a logra di haya esaki.
Tin mentornan den cierto ciudadnan cu ta yuda e muchanan cu vivienda, pero e no ta algo cu Arubahuis ta soluciona. E ta un responsabilidad di e studiante pa ta na tempo manera e haci 16 of 17 aña, pa inscribi pa e bin na remarca pa un camber, ora e ta cla pa bay studia.
Studiantenan cu tin pensa di bay studia na Hulanda por tuma contacto cu Aruba Lening: www.ea.aw of cu Arubahuis. Aruba Lening ta manda informacion pa e mentor, pero nan ta bisa si, pa nan ta hendenan serio pasobra nan tin un situacion cu studiantenan, den pasado, cu nan no kier cu esey pasa mas, Sharin Croes a indica.
