Directora di DIMP
*E recortenan den salario tabata tin efecto directo riba loonbelasting
ORANJESTAD (AAN): Pa loke ta entradanan di impuesto, tin cifranan te cu September 2022 cu ta mustra cu tin entradanan di impuesto di 1.2 milliard florin, pero tambe entradanan pa otro organisacionnan den gobierno manera SVb, AZV, DIMAS, DIP.
Tin 573 miyon na cobransa na impuesto y 700 miyon na cobransa pa terceronan, a remarca.
Por ehempel, 'toeristenheffing' ta riba e nivel caba di 2019. Entradanan di BBO tambe ta hopi cerca di e nivel di 2019. Ta wak tambe cu e primanan social (SVb y AZV) tambe ta den bon caminda. Winstbelasting cu a wordo declara na luna di Mei 2022 tambe ta riba nivel.
Loke si ta kedando atras ta 'loonbelasting' cual tin un ahuste den e tabel di 202. Pero tambe a tira un bista riba e 'loonsoom' y ta wak cu no tur ora e salarionan a crece bek na e nivel di 2019. Esey tin su efecto tambe riba loonbelasting, a remarca.
DIMP ta monitorea companianan grandi, contribuyentenan grandi di loonbelasting y ta wak cu e 'loonsom' no ta riba e nivel di 2019 ainda.
E recorte di salario den sector priva, pero tambe den sector publico tabata tin su efecto grandi riba entradanan di loonbelasting, cu e ta duna un extra bahada riba e tereno eynan. Awor cu ta wak cu el a wordo paga bek parcialmente ta wak cu loonbelasting su entradanan ta bolbe subi.
E recortenan den salario tabata tin efecto directo riba loonbelasting. E primanan social no asina hopi ya cu esakinan tin un maximo di 85 mil florin y manera cu yega eynan a paga e maximo, a splica. Loonbelasting ta progresivo. Entre mas entrada mas belasting.
Finalmente, Luanne Gomes-Pietersz a laga sa cu DIMP ta satisfecho con ta bayendo compara cu unda tabata para den e añanan aki.
