A perde ocupacion na Augustus pa motibo di ultimo brote di Covid-19 na Aruba

ORANJESTAD (AAN): Aruba Hotel & Tourism Association (AHATA) e siman aki a publica e cifranan di ocupacion y prijs dje hotelnan mensualmente.

Y manera por spera, e informacion di Augustus ta indica cu hotelnan a perde 6 punto di grado di ocupacion despues cu CDC a hisa nivel di alerta pa Aruba.

   Pa Augustus, e Ocupacion ta como lo siguiente.  E grado di ocupacion tabata 70.9%; 18.4% menos cu na Juli 2019. Un luna pasa e ocupacion tabata proyecta na 77%, pero a ricibi un cantidad di cancelacion despues di e cambio di alerta di CDC.

   ADR: E balor promedio di cada camber bendi tabata $252.72, cual ta 6.2% mas cu na 2019.

   RevPAR: E entrada promedio pa tur camber disponibel tabata $179.25, representando un reduccion di 13.3% compara cu 2019.

   Januari pa Augustus: Si tira un bista den 2021, esta den e prome 8 luna di 2021, Aruba su hotelnan a experiencia ocupacion promedio di 53%.

   ADR ta 10% menos y RevPAR ta 45% menos compara cu mesun temporada na 2019.

   Tirando un bista riba Ocupacion na propiedadnan Timeshare tabata proyecta na 84% pa Augustus, pero a resulta na 79% despues di e cambio di nivel di alerta di CDC na Merca.

   Riba e grafico por mira proyeccion di AHATA.

   E hotelnan cu ta miembro di AHATA: Amsterdam Manor Beach Resort, Barcelo Aruba, Boardwalk Boutique Hotel, Brickell Bay Beach Club, Bucuti & Tara Beach Resort, Courtyard by Marriott, Divi & Tamarijn All-Inclusive, Eagle Aruba Resort, Holiday Inn Resort Aruba, Hyatt Regency Aruba, Hyatt Place Aruba Airport, Manchebo Beach Resort, Marriott Aruba & Stellaris Casino, Paradera Park, Radisson Blu Aruba, Renaissance Aruba Resort, The Ritz-Carlton Aruba, RIU Palace Aruba, RIU Palace Antillas y Talk of the Town Hotel. 

   Timeshare miembro di AHATA: Divi Aruba Phoenix, Divi Dutch Village, Divi Village Golf, La Cabana, Marriott Ocean Club, Marriott Surf Club.