A haya 450 paki di cocaina hopi cerca di costa na estado Falcon

CORO: E siman aki, autoridadnan militar na Venezuela a logra descubri un cantidad di cocaina scondi apenas 1.5 km leu

for di lama na parti pariba di estado Falcon.  Pa ta preciso, esaki na e sector Sabana Alta na municipio Piritu, na estado Falcon.

   E militarnan a yega na e lugar yama ‘Los Bolos’ cu ta pertenece na Omar Hurtado, kende ta supuesto lider di e Cartel de Sabana Alta.

   E droga a yega na un peso di 504,98 kilo, y riba e pakinan tin e palabra ‘Kappa’ skirbi.  Te cu ainda no tin informacion oficial con e descubrimento di e droga a socede, pero ta parce cu nan a haya e lugar aki via di tip.

   E lugar unda e droga a wordo haya, ta exactamente 70 km zuid-zuidwest di Jan Thiel na Curacao.