ORANJESTAD (AAN): A.T.A. hunto cu diferente instancia gubernamental a lansa e programa di Aruba Health and Happiness Code (HH Code)
cu e meta pa sigura cu protocolnan di higiena y salud ta na un nivel cu nos bishitantenan ta spera ora di bishita un destinacion turistico manera Aruba.
Sigur cu nos turismo ta biniendo bek fuerte y pa oficina di turismo e ta di sumo importancia cu nos companianan local ta keda provee e miho servicio y producto posibel asina garantisando cu nos ta un destinacion cu ta keda “safe” pa bishita.
Den e simannan benidero e instancianan lo controla e diferente organisacion di tours cu a inscribi pa e programa Aruba Health & Happiness Code pa por dunanan e seyo maximo, pues e seyo di Oro. Diahuebs dia 3 di juni di 8 or di mainta pa 11 or di mainta lo tin un drive thru controle dilanti oficina di turismo, L.G. Smith Boulevard 8, pa tur tour operator cu tin vehiculo y nan lo por trece esaki na e parkinglot pa asina wordo controla. Manera ta conoci caba, den e proceso di HH Code, nos ta sigura pa e parti di protocol di higiena como tambe ta sigura cu e vehiculo ta cumpli cu tur rekisito pa por ta riba nos camindanan.
Un palabra di pabien ta bay na Kini Kini Tours and Transfers cu a logra haya su Gold Seal pa Bus & UTV/ATV. Sigur un bunita logro.
Aruba ta goza tambe di hopi evento pa nos bishitantenan, pues ta un parti cardinal pa por otorga e Seyo di Oro na e partnernan den e mundo di Meetings Incentives Conferences & Events (MICE). E seyo aki ta wordo otorga pa medio di un entrevista unda ta repasa e protocolnan y pa conclui cu esakinan ta bon hancra den e procedura di e companianan.
Un palabra di pabien ta bay na e prome companianan cu a ricibi e Seyo di Oro cu ta: House of Mosaic, Ceremonies & Celebrations, Amsterdam Manor Beach Resort & MVC Eagle Beach y The Little One.
Companianan cu kier ricibi mas informacion por semper manda un email na عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.. Si bo compania ta registra pero no a ricibi un email ainda, fabor verifica bo spam/ of junkbox prome cu comunica na e e-mail menciona akiriba.
Aruba ta conta cu e motivacion y aporte di cada un di nos pa haci e cambio positivo pa Aruba.
