Un desfile memorabel pa inaugura temporada nobo di Futbol na Aruba

ORANJESTAD (AAN): Recientemente AVB a inaugura den Compleho Deportivo Guillermo P. Trinidad, e temporada nobo di Campeonato 2026-2027 cu un desfile memorable!

   Cu e desfile aki, nan a inaugura oficialmente e temporada nobo di Campeonato 2026-2027 cu un desfile festivo.  Por a nota con despues di hopi aña, nan a trece e tradicion aki bek, reuniendo alrededor di 20 club, for di categoria U5 te cu Division Honor, den un ambiente yen di alegria, entusiasmo y pasion pa futbol.

   Cu e arbitronan na cabes di e desfile, acompaña pa brassband y bailadonan, nos a disfruta di un apertura special cu a trece hopi bunita recuerdo y un sentimento di nostalgia pa nos comunidad futbolistico.

   Durante e apertura, a honra Señora Roxana Maduro, Sr. Veron Albertsz y Sr. Kenrick Lopez (Kenrick Bradshaw),

dedicando e temporada aki na nan como reconocimento pa nan contribucion valioso na desaroyo di futbol Arubano.

   AVB ta gradici tur club, hungador, entrenador, arbitro, voluntario, famia y aficionado cu a forma parti di e momento memorable aki.

   Hunto lo bay yuda mantene e tradicionnan na bida y sigui construi futuro di futbol Arubano.