Tur dos team di Criollo a bautisa nan uniform

ORANJESTAD (AAN): E tabata un anochi special pa e integrantenan di e team, y tambe nan miembronan di famia cu a bay mira un momento unico.

   Esey tabata ora cu e team di Criollo Jong, y tambe e team di Criollo 40 Plus a bautisa nan 4 set di uniform.  Pesey nan tur cu hopi animo, sonrisa, y cu confianza a presenta na cas di Elio Tromp na Sero Blanco pa e momento special aki.

   Na e ocasion aki, madrina di un di e teamnan tabata Zaretta Yrausquin.  E madrina pa e uniform di otro team tabata Caryanne Koolman.

   Miembronan di e team ta contento cu nan uniform, y ta agradecido na tur esnan cu a duna un man pa yuda den esaki.

   DIARIO ta desea nan di awor hopi exito pa e temporada nobo aki.