Atco Indians a gana Scorpions pa pasa pa final di playoffs di Double-A

ORANJESTAD(AAN): Diamars anochi Scorpions tabata hunga pa sobrevivi den e serie di playoffs di Double-A contra Atco Indians y casi a logra esaki.

Scorpions tabata tin un ventaha den e wega, pero den e parti final di wega Indians a bin bek pa gana 6-4.

Esaki nifica cu Indians a bari e serie di best of five, ganando e serie 3-0.

Atco awor ta bay warda riba e ganador di e serie entre Red Machine y Braves.

En total Scorpions a bati 7 hit y a comete 1 error, mientras cu Indians a bati 6 hit y a comete 4 error.

E pitcher ganador tabata Richinell Matos, mientras cu e pitcher perdedor a resulta di ta Jonathan Toromesa.

E mihor bateadornan di Scorpions tabata Albert Pop 4-2, Brandon Rincones 4-2, Mark James 2-1 y Wilfred Ras 4-1.

Mihor beatdornan pa Indians tabata  Kenny Hart  3 – 2, Marc Danies  2 – 1, Benjamin Tromp  2 – 1 y

Edmar Tromp  5 – 2.