Tiger Taekwondo Academy ta felicita Aleysha Macea

ORANJESTAD (AAN): Durante e Aruba International Taekwondo Tournament 2025, e atleta di seleccion nacional pa weganan olimpico,

 Aleysha Macea a sa di conkista e titulo maximo den Centro Deportivo Betico Croes. Tawata den e final cu Aleysha a perde e prome round, gana e segundo y pa decision di e refreenan a gana tambe e tercer round.

Tiger Taekwondo di Master Teo Rodriguez y henter e team, ta felicita Aleysha y ta informa un y tur cu e meta proximo ta e titulo di US Open 2026 na Las Vegas, Nevada.