Exitoso torneo di Volleyball na Filomena College MAVO

ORANJESTAD (AAN): Recientemente na Filomena College MAVO na San Nicolas, a tene un Torneo di Volleyball entre e klasnan di Ciclo Basico 1 y Ciclo Basico 2.

   E nomber di e torneo ta “CB1 & CB2 Volleybal Tournament 2025”, y tabata bao guia di docente di Gym, Roan Petronia.

   Di e forma ey, e klasnan di CB1 y CB2 di Filomena College MAVO na San Nicolas a competi na e competencia di volleybal 2025. E weganan a tuma lugar na YMCA San Nicolas y tabata un dia deportivo exitoso. E ganadornan tabata e muchanan muhe di Klas 2B y muchanan homber di Klas 2A.