Taekwondo Team Aruba a finalisa e Cadet Training Camp na Merca  

ORANJESTAD (AAN): Siman pasa e atletanan di Taekwondo Team Aruba a finalisa nan Training Camp na

 United States Performance Center na Charlotte, Merca hunto cu e seleccion di Cadet di Merca.

E seleccion di USA Cadet ta conta cu 4 trainer y coach y dokter presente na cada training cu ta cla pa atende cu e atletanan pa tapenan etc. 

Danki na Master Antwuan Wilson e atletanan por tabata tin e honor di por a train cu e atletanan di e seleccion di USA  y a presencia e training di e adultonan entre otro CJ Nicholson cu ta number un na Mundo, Kalfani Harris y Isaiah Young. 

E muchanan tabata tin e oportunidad di saca potret cu seleccion di adulto di Merca.

Na final di e ultimo training e atletanan a regala e head coach di e seleccion di Cadet di USA un T-shirt di Aruba y a gradici Nikki. Danki na Pueblo di Aruba cu e atletanan por a realisa e biahe aki.