ORANJESTAD (AAN): Den aña 2025 Taekwondo Team Aruba a participa cu e atletanan den varios campeonato nacional y internacional y tambe na varios training camp internacional.
Taekwondo Team Aruba sa train 3 biaha pa siman y tur atleta ta registra y firma cu nan a participa na e training duna pa Master Yoshmar Wever coach di Taekwondo Team Aruba. Master Yoshmar Wever a entrega e premio di atleta mas disciplina den 2025 na Quinten Klaber. Master Eric Barry, nan Referee Internacional a entrega premio na Rayshawn Nicholson cu a sali atleta mas motiva den 2025 den e categoria di Infantil.
Grand Master Melvin Rasmijn a entrega premio na Jeroan Nicholson cu a sali atleta mas motiva 2025 den e categoria di Cadet.
Master Jourde Klaber a entrega premio na Wei Jet cu a sali Rookie di Aña 2025.
Master Augie Tromp a entrega premio na Rashid Erasmus cu tambe a sali atleta mas disciplina den 2025.
Grand Master Melvin Rasmijn a entrega premio na Tamara Erasmus cu a sali e atleta mas Outstanding den 2025. Masha pabien na tur atleta di Taekwondo Team Aruba cu a logra bon resultado den 2025.
https://diario.aw/ar/categories/noticia/deporte/taekwondo-team-aruba-a-entrega-varios-premio-na-e-atletanan-cu-a-destaca-den-2025#sigProId2678ebbab8
