Atleta Laertes Araque a participa den Campeonato Centro Americano y del Caribe 2025

ORANJESTAD (AAN): Atleta Laertes Araque ta participa den Campeonato Centro Americano y del Caribe na Santo Domingo

cu ta clasificatorio pa Juegos Centroamericanos y del Caribe 2026 na Republica Dominicana..

  Den e campeonato Centro Americano y del Caribe a participacion di 160 atleta masculino y femenino di 23 pais di Continente Centroamericano y del Caribe. E Campeonato a tuma lugar den e  Pabellion de Halterofilia Dr. Jose Joaquin Puello cu ta keda den Parque del Este Santo Domingo, Republica Dominicana 

  Laertes cu a bay bon prepara a competi den categoría di 88kg. Den e  grupo aki tabata tin hopi atleta cu a participa den Campionatonan Mundial y Weganan Olimpico a sa di logra gana medaya.

  Den categoría di 88kg tabata tin un total di 16 atleta cu nan a parti e grupo di atletanan den A y B naunda Laerte Araque di Aruba a cai den grupo B pa wak si por clasifica pa e Weganan Centroamericanos y del Caribe den 2026. Laertes ta logra den su hisadanan  den snatch 120kg, Clean & jerk 156kg pa un total 276kg. Cu e total aki Laertes ta termina na di 13  lugar pero si ta laga país nan su tras cu ta Costa Rica, Barbados y Haiti.

   Como ganador absoluto den categoria di 88kg medaya di Oro a bay pa e atleta di Colombia Yeison Lopez cu un total di 370kg, medaya di Plata a bay pa e atleta di Venezuela Angel Rodriquez cu total di 348kg y medaya di Brons pa atleta Gustavo Maldonado di Colombia cu 348kg total

   Aruba Amateur Weightlifting Association ta manda palabra di gradicimento na Stichting Sportsubsidie Aruba y Lotto pa Deporte cu a cubri e gasto di estadia y ticket di biahe pa   atleta Laertes Araque y na e entrenador for di Ecuador  Sr. Walter Llerena cu a yuda coach e atleta di Aruba pa su participacion den e Campeonato Centro Americano y del Caribe na Republica Dominicana.