OCA ta organiza Feria Nacional di Cabay y Equitacion

Cuminzando awe

ORANJESTAD (AAN): Esaki ta un fin di siman dedica na mundo di cabay y equitacion.

   Tanto awe Diasabra y mañan Diadomingo tin competencia di Cabay como tambe Equitacion na Villa Floralina.

   Cuminsando awe Diasabra pa 6:00 pm, lo tin competencia di Cabay.  DIARIO a haya sa cu un total di 27 cabay a inscribi.

   Tur cabay lo ta competi pa asina clasifica pa e Gran Campeonato na final di anochi den diferente paso como Trote y Galope, Trocha, Trocha y Galope y e mas popular Paso Fino.

   Diadomingo tin un totaal di 30 Jinetes & Amazona cu lo drenta pista di competencia representando diferente rancho rond di Aruba cuminsando 4:00 pm.

   Personanan di edad desde 6 aña te cu riba 25 lo ta participando diadomingo den diferente categoria pa determina e Mihor Amazona of Jinete den nan respectivo categoria. E hues pa e evento aki lo ta Dr. Henry Beltran di Colombia. Entrada ta gratis pa publico.