Hugo Themen a representa Aruba na Congreso di International Weightlifting Federation Qatar

ORANJESTAD (AAN) – Na Doha, Qatar a tuma lugar dia 29 y 30 di Augustus ultimo un eleccion pa e constitucion reforma nobo di weightlifting.

Cu participacion di 133 pais na unda  Hugo Themen a representa país Aruba mester a vota pa e Costitucion Reforma nobo di International Weightlifting Federation.

E congreso a tuma lugar den e ballroom di Ritz Carlton Hotel  na Doha. Pa 9:00 am a cuminsa cu registracion di e paisnan presente pa despues sigui cu palabra di bon bini di e Presidente Interino di IWF Dr. Micheal Irani di Inglatera.

Despues a sigi cu e programa di eleccion y e sistema di votacion cu a bay den un bon ambiente.

Den e congreso tambe diferente paisnan a discuti y kier a trece nan puntonan importante padilanti pa cu e Constitucion nobo di IWF. Na final di congreso cu a termina banda di 6:00 pm e votacion di e constitucion nobo a wordo aproba cu 129 pro y 4 vota contra.

 Na final e Board di IWF a manda palabra di gradicimento pa tur país presente pa cu e Constitucion nobo.  AAWA ta manda un pabien na Hugo Themen cu a participa pa pais Aruba den un magno evento na Doha, Qatar.