Hobennan a keda contento di por a train taekwondo

ORANJESTAD (AAN)- Durante vakantie di scol Brazil Taekwondo Stichting a habri su portanan pa tur esnan cu a presenta y tabata interesa di siña
kico ta Taekwondo.

Entre 20 cu 30 di Augustus training tabata gratis hunto cu e team di Train Hard Fight Smart.

Tur training a tuma luga den e gymzaal di Tarcisius Kleuterschool.

Brazil Taekwondo Stichting su team di faha preto tabata contento di por a aporta na e muchanan cu a bin pa prome biaha pa les di Taekwondo.

E training tabata dificil pa e chikitonan cu a bin pa prome biaha.

Muchanan di 5 te cu 14 aña a train for di 5'or pa 6'or di atardi y for di 15 aña bay ariba a train for di 6'or pa 7'or di anochi.

Training tabata ariba Dialuna, Diaranson y Diabierna.

Tur e muchanan cu a bin nobo pa train a bin cu hopi animo pa siña Taekwondo y ta cla pa forma parti di e team di Train Hard Fight Smart di Brazil Taekwondo Stichting.

Ellon Donker y Gilson Lourens for di Corsou a informa cu nan ta train caba y ta preparando pa Aruba.

Ayera a sigui cu e trainingnan mas avansa pa prepara pa team pa Surinam y Corsow.