Federacion nobo di Judo a bishita Ministro di Deporte

ORANESTAD (AAN): Recientemente a bira conoci, cu Aruba a haya un Judo Federation nobo. 

Esaki a cristaliza despues di 10 aña di esfuerzo, Aruba tin oficialmente un federacion nobo di Judo.

   Den cuadro di esey, e Federacion nobo a haci un bishita di cortesia cerca Ministro di Deporte, Gerlien Croes na Conseho di Ministro.  Representantenan di International Judo Federation tambe tabata presente.

   Segun e titular di Deporte, tabata un placer pa reuni cu representantenan di Aruba Judo Federation, COA y Internacional Judo Federation pa dialoga tocante e siguiente pasonan pa sigui fortalece y desaroya e deporte aki na Aruba.

Pabien na Aruba Judo Federation cu e logro importante aki.