Comite Olimpico Arubano a reuni cu atleta Olimpico di Judo Jayme Mata

ORANJESTAD (AAN): Comite Olimpico Arubano (COA) a reuni cu atleta Olimpico di Judo, Jayme Mata.

Jayme a representa Aruba na London 2022 y Rio2026 y awendia ta miembro di e Asociacion Arubano di Atleta Olimpico (AAAO). Durante e reunion a conta un poco di e tareanan actual cu AAAO ta trahando riba dje y ta splica cu ta desea di cuminsa haci mas actividad proximo aña.

Banda di esaki, a combersa riba diferente ideanan interesante pa haci eventonan conhuntamente cu COA y federacionnan local pa asina por trece e atletanan Olimpico di Aruba mas cerca di e comunidad deportivo actual y contribui na deporte.

COA ta gradici Jayme pa e reunion y ta duna di conoce cu ta contento pa mira cu AAAO ta desea di haci mas y ta dispuesto di yuda pa asina por haci esaki posibel.