Carlos y Andrew ganadornan di e bataya di 'Strongest Man of Aruba'

ORANJESTAD (AAN)- Dianan 7,8 y 9 di October tabata tin e competencia di 'Strongest Man of Aruba' caminda tabata bin masha hopi interes mes.

            Esaki a tuma lugar tur tres dia na Surfside unda por a presencia tur e participantenan pasando yen di obstaculonan pa nan por logra bay cu e titulo. Fotografo di DIARIO tabata presente na e prome anochi caminda el a saca un paar di potret di e evento aki.

             Locual cu DIARIO por a haya informacion ta cu e ganadornan ta Carlos Petterson Grifith y Andrew Jansen. Un pabien na tur e participantenan y na e ganadornan.