Atletanan anima cu perseverancia a participa den Aruba Triathlon

ORANJESTAD (AAN): Diadomingo mainta, tempo tabata yen di solo cu brisa fabuloso, cu tabata ideal pa competencia di Aruba Triathlon, cu a start for di Boca Catalina na costa noordwest di Aruba.

   E atletanan cu a participa na e e actividad aki organiza pa Aruba Triathlon Association a sa di landa un bon pida den lama, sigui pa e parti di core riba bicicleta, y na final core na pia.

   E biaha aki, e pida ultimo minuutnan di coremento ta loke a determina e ganador di varios categoria.  Tabatin algun atleta cu a confronta problema y malestar na e parti final tambe, pero despues di un descanso, nan tur a recupera satisfactoriamente.

   E siman aki DIARIO lo bay ricibi e resultado oficial di e competencianan aki, cu tabata uno exitoso.