Atleta Laertes Araque ta participa den Campeonato Panamericano de Mayores na Colombia

ORANJESTAD (AAN): Den e campeonato di Panamericano de Mayores a participacion di 189 atleta masculino y femenino di 23 pais di Continente Panamericana.

E Campeonato a tuma lugar fecha 12 pa 18 juli 2025 na Cali Valle Del Caucal den e Coliseo Minguel Calero

Laertes cu a competi den categoria di 88kg  naunda tabata in un grupo grandi di  16 atleta den su categoria. Den e Campeonato Laertes ta logra den su hisada den snatch 115kg, Clean & jerk 140kg pa un total 255kg. Cu e total aki Laertes ta termina na di 14 lugar.

Aruba Amateur Weightlifting Association ta manda palabra di gradicimento na Federacion Panamericano de Levantamiento de Pesas cu a cubri e gasto di estadia y ticket di biahe pa   atleta Laertes Araque y Pabien  na e entrenador for di Ecuador  Sr. Walter Llerena cu a juda coach e atleta di Aruba pa su participación den e Campeonato Panamericano de Levantamiento de Pesas Cali 2025