Ta Mike Eman a cera Beatrix School na 2014

Mike y Benny a hinca 44 miyon destina pa scol den Tram

ORANJESTAD (AAN): Parlamentario Endy Croes cu asombro por a tuma nota di un show politico cu Mike Eman a setup e siman aki dilanti Juliana School y Beatrix School.

   Mike Eman hunto cu activistanan di AVP tanto algun ex-docente y ex-directornan tur cu pensioen “berde di mes” a haya di ta bon pa hunga cu sentimento y inteligencia di pueblo pa cu e dos schoolnan ariba menciona.

   A para dilanti e edificionan pa hunga cu emocion:  Mike Eman hunto cu dos locutor cu Mike a paga 8 miyon Florin durante 8 aña di AVP pa propaganda gobierno, a sinti e necesidad pa monta un show.

   Asina Mike a cana kibra cu 4 ex-docente kendenan tur ta ex-candidatonan riba lista di AVP y algun otro activista. Mike a sinta gaba cu e atencion y amor y e manera di duna les di e ex-maestronan. Di acuerdo cu Mike e amor grandi y dedicasion di e ex-maestronan, awe pensionadonan ta refleha con bon enseñanza tabata ta. Indirectamente criticando e maestronan di awendia. Ojo maestronan!

    Mike Eman criticando e hecho cu ambos school ta den mal estado y ta sinti cu e edificio monumentalnan aki ta bay perdi.

    Loke Mike Eman no a splika:  Pero Mike Eman no a splika esnan “berde di mes” cu a acompañe cu ta bao maneho di Mike Eman y  AVP y ta durante gobernacion di Gabinete Eman II ambos school a worde sera.

    Esaki ta e puro berdad cu Mike Eman “himself” tabata na mando momento a laga sera e schoolnan aki. (Aki por mira un pida di DIARIO di November 2014).

   Segun Croes, Mike Eman no a haci net net nada pa traha un plan pa renoba e schoolnan aki. Na 2017 momento pueblo a core cu Mike Eman e gobierno nobo no a encontra ningun plan of proyecto pa cu e dos edificionan aki. Mucho menos placa reserva pa renobanan.

   Gobierno nobo a hereda un Mega Debe di mas di 3500 miyon Florin cu Mike a presta den 8 aña. A hereda interes na balor di 232 miyon pa aña cual ta igual na 640 mil pa cada dia cu mester worde paga riba placa cu Mike a presta. A hereda 82.7 miyon pa paga pa proximo 20 aña na PPP proyectonan. A dal den recibo di fiesta di Mike su cumpleaños di Afl. 142 mil riba un solo anochi 1 di september 2017. Nos a hereda robonan di tereno (Avestruz) y awe ta hopi Avepista a cay sera. Nos a hereda crisis social y asina por sigui nombra.

    Mike y Benny a hinca 44 miyon di school den tram:

Lokual Mike Eman a lubida di conta pueblo ta cu el a ricibi 44 miyon Florin ( for di MEP na 2009)  destina pa traha schoolnan nobo. Mike Eman y Benny Sevinger a dicidi di cambia e destinacion di 44 miyon aki. A dicidi di cumpra street cars y traha un tram den Caya Betico Croes.

   E decision aki a perhudica hopi comerciante kendenan a bati bancarota. Alaves e decision aki a perhudica hopi alumno cu a keda sin nan school. Cu e placa aki sigur  por a renoba Juliana School y Beatrix School. Lamentablemente Mike Eman y AVP a dicidi pa sera dicho schoolnan durante 2014 y a escohe pa ranca 44 miyon for di schoolnan tira esaki den un Tram cu Street cars.

   Ki ora Mike y AVP lansa un mentira nan mester por sa cu contesta cu documentacion lo bin den nan direcion. Finalmente ta pidi tur hende keda trankil paso aunke nos ta pasando den duro e edificionan aki lo yega na turno pa worde renoba.