ORANJESTAD (AAN): E siman aki a bin haya sa, cu Parlamentario Gino Goeloe ya no ta lider di fraccion mas pa Futuro den Parlamento.
E achterban di Futuro parce no ta contento cu Goeloe su manera di lidera e grupo den Parlamento. Tin un grupo cu no ta gusta cu Goeloe “ta drumi hopi durante reunion” y “ta sinta hari cu oponentenan”.
Partido MEP a tende esaki tambe, y a bin haya sa cu e disgusto a bira asina grandi cu Gerlien no por a haci nada mas cu hala Goeloe un banda y pone Ruthline Lindor como fractieleider pa fraccion di Futuro den Parlamento. Segun fuente cerca di partido Futuro, nan no a keda mucho contento cu e cambio y ta prefera pa Muzaninn ta lider di fraccion, pero no por pasobra cu Muzaninn ta vice presidente di Parlamento caba.
E pregunta ta con e achterban di Gino Goeloe lo reacciona. Pasobra Gino Goeloe a join Futuro cu e promesa cu ta minister e ta bai bira. Y esaki nan no por a cumpli cune. Despues e mester a bira presidente di parlamento. Esey tampoco Futuro por a cumpli cune. Finalmente a haci’e Fractieleider y awor hasta esey nan ta kita for di dj’e.
Gino Goeloe den eleccion 2024, den su prome salida a haya 297 voto siendo cu Ruthlyn Lindor a haña 176 voto. Esaki ta Lindor su di dos biaha riba lista. E tambe a bula cura di partido Raiz y na 2021 a haña 170 voto. Pues Gino Goeloe cu mas di 100 voto mas hopi cu Lindor awor mester yama ayo na su ultimo puesto, pa un “colega” cu menos voto cune. Ta interesante pa mira si su 297 votadornan tambe ta “drumi” manera Goeloe ta drumi den Parlamento.
