ORANJESTAD (AAN): Recientemente e Parlamentario Hendrik Tevreden di MEP, a topa cu Parlamentario Carlos Bermudez di AVP,
y a invit’e pa e pasa check e celebracion di Dia di Betico na sede di MEP na Santa Cruz.
Den un acto di grandeza y basta respeta, por mira aki cu Bermudez a acepta e invitacion y a bay saluda su compañeronan Parlamentario na sede di MEP. E potret aki pa cortesia di Hendrik Tevreden, ta mustra momento cu nan ta saludando otro dilanti un cuadra cu a wordo devela e mainta ey, di e 3 lidernan di MEP, crea door di artista Elvis Tromp.
Den su bishita breve, Parlamentario Bermudez a cumpra cuminda crioyo, y saluda mas hende y desea cada uno un feliz Dia di Betico.
Hopi hende cu a mira esaki, ta convenci cu e mundo aki toch tin hopi respet, y cu hunto tur gobernante por traha pa Aruba aki sigui bay dilanti.
