Parlamentario Endy Croes:
ORANJESTAD (AAN): Parlamentario Endy Croes tabata hopi critico durante reunion publico unda a trata e presupuesto supletorio. Desde diaranson siman pasa a inicia cu e reunion aki cual a continua diabierna henter dia y dialuna ultimo rond 10pm anochi a yega na votacion. A vota pa un total di 37 mocion y un amienda alabes e ley supletorio mes.
Parlametarionan di Coalcion hopi zwak
Desde diaranson por a nota e tono negativo di Parlamentarionan di AVP y Futuro. Nan tabata critica fuerte e profesionalnan di diferente departamento kendenan ta traha cu tur gobierno. Dado momento Parlamentario Croes mester a pone Coalicion na nan lugar pidiendo respet pa nos profesionalnan. Dialuna ultimo sinembargo Parlamentarionan di Coalicion a “get the point” y a drenta reunion manera lamchi cu un “toontjie lager”.
Parlamentario Endy Croes ta lamenta cu Bode ta cobra mas cu docente
Parlamentario Endy Croes a elabora riba un lista cu minister Geoffrey Wever a pone durante reunion ‘ter inzage’. Ta trata di un lista di salario di empleadonan cu ta traha den bestuurskantoor “Cocolishi”. Lokual a sorprende Fraccion di MEP den su totalidad ta algun salarionan barbaro.
Tin miembro di prensa kende antes a traha pa 24 ora esta meneer Espinosa kende tin antecedente penal ta ganando rond Afl.10.500,- pa luna den un funcion sin ningun preparacion. Solamente e ta amigo di Mike Eman. Awor e ta cobra na gobierno pero tambe ta keda hasi trabounan pa 24 ora segun informacion. “Only in Aruba”.
Locual a capta mas atencion ta e hecho cu tur bode di ministernan den e Coalicion nobo y den e politica nobo cu Futuro a priminti ta ganando Afl.5.700,- cu tur nan ‘toelagenan’. Mientras docentenan na Aruba ta ganando averahe di Afl.5.500,- pa luna.
Parlamentario Endy Croes ta splica cu esaki ta un abuso di marca mayor y ‘gewoonweg’ esaki no por y lo keda lucha pa kibra e abuso “nobo” di Gabinete Eman Croes aki.
