Accion di Firma den prome tres siman a produci 6.424 firma

Ta sigui busca firma

ORANJESTAD (AAN): “Den e prome 3 siman e accion di firma a duna tremendo resultado. 6.424 persona ya caba a firma. E accion di firma ta continua te dia e debate tuma lugar den Parlamento” asina lider di MEP Evelyn Wever-Croes a duna di conoce.

  Durante ultimo 3 simannan varios persona a drenta barionan pa duna informacion y busca firma contra e rijkswet HOFA, despues cu gobierno di AVP y Futuro a entrega e ley aki manera un ladron di anochi.

   Tur esaki a socede, sin cu a duna informacion, sin cu a duna consulta, y peor cu no tabatin dialogo riba dje.

   Debi na esey, “miles di mama y tata di famia, hobennan, a expresa na bos halto cu nan NO ta acepta loke e gobierno a haci. Sin duna informacion, sin consulta, sin dialogo, a manda un ley asina importante.

Miles di persona tambe a expresa cu nan no ta di acuerdo pa pasa e autoridadnan autonomo di nos pais den man di Hulanda, sigur sin haya mas a cambio.”